Тэр ингэж пост бичжээ. -Энэ Баярмагнай генералын пост мөн. Хэн нэгэн хаккердсан биш. Өөрөө л бичсэн. Үйл хэргээсээ ухарсан. Нарийн учрыг нь одоо хэр нь ололгүй явна гэж Үндэсний Фронтын хамтран зүтгэгчийн нэг тодотголоо. Баярмагнай " хулчийжээ" гэж дүгнэх л үлдлээ. Монгол генералын нэр төрийг уландаа гишгэлээ энэ хүн. Дарийн утаа үнэрлэх төдийд " цэргүүдээ хаяад", "фронтын шугамыг" орхих хүн байсан гэж үү. Монгол эр цэргийн нэр сүрийг ч үгүй хийлээ. Үндэсний Фронт байгуулахдаа, түүний удирдагчаар нь сонгогдохдоо, хэвлэлийн бага хурал хийхдээ, жагсаал цуглаан зарлахдаа юу бодож байсан хүн бэ? Төрийн зүгээс шахалт дарамт ирэхгүй гэж тооцоолсон юм болов уу? Одоо түүнээс хоёр л дүр төрх үлдлээ. Фронтын даргаар сонгогдсон, эх оронч, эрэлхэг генерал Баярмагнай. Фронтын шугамаас "сүүлээ хавчин, цацга савируулан" зугатагч туулай мэт зүрхтэй генерал Баярмагнай. Нэг өдрийн " эх оронч", нэг насны "хулчгар " гэдэг цолоор " генерал" цолоо арилжлаа, Баярмагнай.
О.Гоо-Оюун
