АН-ын Бодлогын Зѳвлѳл хуралдаж 2020 оны УИХ-д нэр дэвшигчдийн санхүүгийн эхний босгыг тогтоолоо. Гишүүн нэг зуун сая тѳгрѳгийг намдаа тушааснаар УИХ-д нэр дэвшигчдийн "Автобусанд" суух тийзээ худалдан авах юм байна.
-Нэр дэвшигч бол хүн. Тэр чадвартай, мэдлэгтэй байх нь чухал биш. Түүний гоё, үзэсгэлэнтэй байх нь нэр дэвших үндэслэл болохгүй. Тэр нэр дэвшихийг хүссэн л бол ѳѳрийн гэсэн хүрээлэл, мѳнгѳ босгох чадвар, хүрээлэлтэй байх ёстой. Ийм л хүн намаас нэр дэвших эрхээ авах болно гэж Ардчилсан Намын дарга С. Эрдэнэ хэллээ. Нэр дэвшигчдийн тоо 76-аас давж, тухайн мѳнгѳ тѳлсѳн намын гишүүн үлдэж ч болно. Нам ялсан тохиолдолд тэр гишүүндээ улс тѳрийн дэмжлэг үзүүлнэ гэж гэрээнд тусгалаа гэж тэрбээр нэмж тодотголоо.
О.Гоо-Оюун
