ҮХЦ-ийн зургаан гишүүн өчигдөр хуралдсан байна. Харин Д.Одбаяр "Би ямар ч буруугүй ажлаа өгөхгүй" гэжээ.
ҮХЦ-ийн нэр бүхий зургаан гишүүн хурал зарлаж, Цэцийн дарга Одбаярт ёс зүйн хариуцлага тооцох тухай асуудлыг хэлэлцсэн байна. -Би ямар ч буруугүй. Ажлаа ѳгѳхгүй гэж Д.Одбаяр эсэргүүцэж, хаяж гарсан тухай ойрын эх сурвалж мэдээллээ.
-"Би ямар ч буруугүй ажлаа өгөхгүй" гэсэн Д.Одбаярын эсэргүүцлийг гишүүд хүлээж авах боломжгүй гэж үзсэн байна. - "Танд Өмнөд Солонгосын хуулийн байгууллагаас мөнгөн торгуулийн ял хүлээлгэсэн, та тэр торгууль төлсөн нь хэргээ хүлээсэн гэсэн үг. Цэцийн нэр хүндийг бодоод огцрох ѳргѳдлѳѳ даваа гаригт ѳѳрѳѳ өг. Үгүй бол бид хүчээр огцруулна" гэж зѳвлѳсѳн ч , Д.Одбаяр -Та нарын шахсанаар би ѳргѳдлѳѳ ѳгѳхгүй. Та нартай маргах хүсэл арга. Би Ерөнхийлөгч, УИХ-ын дарга, Ерөнхий сайдтай уулзана гэж хэлээд, ҮХЦ-ийн хурлын танхимын хүнд хаалгыг хүчтэй саван одсон байна.
Үндсэн хуулийн Цэц есөн гишүүнтэйгээс долоо нь энэхүү хуралд оролцжээ. Үлдсэн гишүүдээс Н.Чинбат АНУ-д ажлын томилолттой, харин Г.Баясгалан мэдээлэл авсан ч утсаа салган хуралд ирээгүй гэж гишүүдийн зүгээс тодотголоо.
Ёс зүйн алдаа гаргасан, ҮЦ-ийн болон хуульчдын нэр хүндийг унагасан Д.Одбаяр цаашид ҮХЦ-ийг удирдах эрхгүй гэж ҮХЦ-ийн олонхи гишүүд үзэж байна. Тэд шаардлагаасаа ухрахгүй гэдгээ ч мэдэгдлээ.
О.Гоо-Оюун
