11.1 тэрбум долларын зээлтэй гэдгээ тооцож үзвэл монголчууд 2041 он хүртэл Оюутолгойгоос ногдол ашиг хүртэхгүй нь тодорхой болсон. Гэрээний олон заалт ѳнѳѳг хүртэл биелэхгүй явж ирсэн. 2009 онд РИО ТИНТО компанитай байгуулсан анхны гэрээгээр 2013-2014 он гэхэд Өмнөговь аймагт Таван толгой ордыг түшиглэж, цахилгаан станц байгуулах ёстой байсан. Алга. Барих асуудал бас л маргаан дагуулсан. Оюутолгой компани энэхүү Цахилгаан Станцыг барьж байгуулахад 1.3 тэрбум долларын ѳртгѳѳр барихаар тѳлѳвлѳсѳн. Тус станцаас гарах нэг квт цахилгааны үнэ дэлхийд байхгүй ѳндѳр. Харин Монголчууд Сэргээгдэх эрчим хүчний Цахилгаан Станц барих саналыг дэвшүүлсэн. Монголын консерциумуудын үнэ Рио Тинтой компаниас 1.3 дахин бага буюу 500 сая ам.доллар. Харьцуулж үзвэл ийм л дүр тѳрх харагдаж байна.
Оюутолгой компанитай холбоо бүхий татвар, орлого, хѳрѳнгѳ оруулалтын маргаан л тасрахгүй үргэлжилсээр байна. Татвар тэгш шударга байх ёстой. Оюутолгойг татварын байцаагч шалгахаар бөөн зөрчил илэрдэг. Дубайн гэрээ байгуулахдаа татварын олон актыг хүчингүй болгосон байдаг. Тиймээс эргэж харах, засаж сайжруулах, хѳрѳнгѳ оруулагч, ашиглуулагч хоёр тал аль болох маргалдах биш хэл амаа ололцох ёстой.
