МАН-ын дэргэдэх Нийслэлийн Нийгмийн ардчилал Монголын эмэгтэйчүүдийн холбооноос "Гоо сарнай-2019" форумыг “Иргэдэд ээлтэй хотын шийдлүүд" сэдвээр өнөөдөр зохион байгуулж байна. Нийслэлийн НАМЭХ нь хоёр жилд нэг удаа "Гоо сарнай форум" зохион байгуулдаг уламжлалтай. Энэ жилийн форумын үеэр нийслэл, дүүргийн НАМЭХ-ны удирдлага, гишүүд, хотын хөгжил, гэр бүл, эмэгтэйчүүд, хүүхэд хөгжлийн асуудлаар мэргэшсэн судлаачид, зөвлөхүүд, төсөл, хөтөлбөрийн ажилтнууд нэгэн дор чуулж иргэдэд ээлтэй хотын хөгжлийн талаар нээлттэй хэлэлцэж буй юм.Түүнчлэн уг форумын үеэр "Орчин үеийн хотын хөгжил, чиг хандлага","Ногоон хотын шийдлүүд ба эрчим хүчний хэмнэлттэй сургууль, эмнэлгийн барилгын дулаалга”, "Явган зорчигчид ээлтэй хот" зэрэг олон сонирхолтой илтгэлүүд тавигдах юм байна.
Т.Хуншагай