2016 оны УИХ-ийн сонгуулиар Н.Оюундарь, Ж.Эрдэнэбат нар сонгогдон намдаа хоёр сууудал авчирч байсан. Тэгвэл МАН-ын дарга У. Хүрэлсүх асуудалд орооцолдсон Ж.Эрдэнэбатад улс тѳрийн дэмжлэг үзүүлэхээс татгалзаж, түүний тойрогт МАН-ын хэвлэл мэдээлэл, олон нийт хариуцсан нарийн бичгийн дарга Ѳнѳрболорыг "сойх 'нь нэгэнт тодорхой болсон байна.
МАН-ын нарийн бичгийн дарга Ѳнѳрболор нь Монголын эмэгтэйчүүдийн холбооны Сэлэнгэ аймгийн салбар зөвлөлийн тэргүүнээр ѳнгѳрѳгч тавдугаар сард сонгогдсон нь ч тохиолдол биш юм.
-Би Сэлэнгэ нутгийн охин. Тэнд өсч торниж, дунд сургуулийн ахлах анги хүртлээ суралцсан. Ер нь тэр орчныг бүхэлд нь зураглаж харж чадна гэж боддог. Сэлэнгэ аймгийнхан хөдөлмөрч хүмүүс учраас хѳгжил дэвшлийн суурь бий.
Баялаг бүтээгчид орон нутагт олон хүний амьдралыг авч яваа. Ѳнгѳрсѳн зургаан сарын хугацаанд Сэлэнгэ аймгийнхаа бүх сумдыг тойрч, эмэгтэйчүүдтэйгээ нэгбүрчилэн уулзаж явуулын чуулган хийсэн. Ѳнгѳрсѳн долоо хоногт Сэлэнгэ аймгийн баялаг бүтээгч, бүтээлч эмэгтэйчүүдээ нэгтгэн баялаг бүтээгч, брэнд үйлдвэрлэгчдийн чуулга уулзалтыг Төрийн ордонд зохион байгууллаа. Эмэгтэйчүүд хуран чуулснаар нийгэмд хуримтлагдсан асуудлаа ѳѳрсдѳѳ хэлэлцэж, шийдвэрлэх арга замаа тодорхойлсон ач холбогдолтой чуулган болж ѳндѳрлѳлѳѳ гэж уг чуулганыг санаачлагч Ѳнѳрболор хэллээ.
Ийнхүү Ж. Эрдэнэбатын тойрогт Ѳнѳрболор, ѳмнѳх тойрогтоо Н. Оюундарь УИХ-ийн сонгуульд нэр дэвшин ѳрсѳлдѳх болсон нь ил боллоо.
Тойргоос жийгдсэн Эрдэнэбат хаачихыг цаг үе л харуулах болов уу. Тэрбээр аймагтаа телевиз байгуулан ажиллаж, хотод ч мэдээллийн хэрэгслийг санхүүжүүлэн УИХ-д дахин нэр дэвшихээр зэхэж буй.
О.Гоо-Оюун
