“Монгол дахь барилга байгууламжийн эрчим хүчний үр ашгийг дээшлүүлэх” төслийг ХБНГУ-ын Холбооны Эдийн засгийн хамтын ажиллагаа, Хөгжлийн яам болон Швейцарын хөгжлийн агентлагийн хамтарсан санхүүжилтээр Германы Олон Улсын хамтын ажиллагааны нийгэмлэг, Улаанбаатар хотын захиргаатай хамтран хэрэгжүүлж байна. Энэхүү төслөөр өрхийн дундаж 50м2 талбай бүхий төрөл бүрийн хийц, шийдэлтэй эрчим хүчний хэмнэлттэй амины орон сууцуудыг иргэдэд таниулах арга хэмжээний нээлт өнөөдөр боллоо.
Уг төслөөр агаар, ус, орчны, бохирдлыг бууруулах ажлын хүрээнд иргэдэд тав тухтай оршин суух нөхцөлийг бүрдүүлэх зорилготой ажиллаж байгаа юм. Эрчим хүчний хэмнэлттэй эдгээр амины орон сууцуудыг барилгын дулаан хамгаалалтын норм стандартад зааснаас 20 хувиар илүү эрчим хүчний хэмнэлттэй байх шаардлагыг хангаж байгаагаараа онцлог юм. Энэхүү жишиг орон сууцнуудыг Сонгинохайрхан дүүргийн 33 дугаар хороон дахь Нийслэлийн 188-р цэцэрлэгийн хашаанд барьж байршуулсан. Орон сууцнуудыг гүйцэтгэгчээр “Гранд Авгуш”ХХК, “Эрэл” ХХК, “Изохаус” ХХК, “Дэлгэр Констракшн” зэрэг компаниуд шалгаран ажилласан байна.
Э. Сувд-Эрдэнэ