Улсын хэмжээнд шинээр бүртгүүлсэн ажилгүй иргэд өмнөх оны мөн үеэс 4.8 (5.9%) мянган хүнээр, ажил идэвхтэй хайхгүй байгаа шалтгаанаар бүртгэлээс хасагдсан иргэд 3.4 (5.5%) мянган хүнээр буурсан бол ажилд зуучлагдан орсон иргэд 1.1 (5.4%) мянган хүнээр өссөн байна. Нийт бүртгэлтэй ажилгүй иргэд өмнөх оны мөн үеэс 3.0 (12.6%) мянган хүнээр буурсан бөгөөд тэдний 11.2 (53%) мянга нь эмэгтэйчүүд байна. Бүртгэлтэй ажилгүй иргэдийн 7.4 (35.2%) мянга нь Улаанбаатарт, 4.8 (22.6%) мянга нь Хангайн бүсэд, 4.2 (20.0%) мянга нь Баруун бүсэд, 2.6 (12.4%) мянга нь Төвийн бүсэд, 2.1 (9.8%) мянга нь Зүүн бүсэд ноогдож байна. Улсын хэмжээнд бүртгэлтэй ажилгүй иргэдийн 368 (1.7%) нь хөгжлийн бэрхшээлтэй иргэд байгаа бөгөөд 178 (48.4%) нь эмэгтэйчүүд байгаа аж.
Т.Хуншагай