2020 оны нэгдүгээр сарын 1-нээс эхлэн тэтгэвэр бодох аргачлалд өөрчлөлт оруулхаар болжээ. Уг өөрчлөлт нь 2020 оноос өндөр нас (малчны тэтгэвэр)-ны тэтгэвэр тогтоолгох хүсэлт гаргасан хүний тэтгэврийг тэтгэврийн даатгалын шимтгэл төлсөн сүүлийн 20 жилийн доторх аль дуртай дараалсан 7 жилийн буюу 84 сарын дундаж цалин хөлснөөс тооцохоор болсон. Харин цэргийнхний тэтгэвэр бодох аргачлал нь өмнөх жилүүд шиг 5 жилээр тооцдог нь хэвээрээ байх аж. 2019 оны хувьд буюу яг одоо хэрэгжиж буй хуулиар тэтгэврийн даатгалын шимтгэл төлсөн сүүлийн 20 жилийн доторх аль дуртай дараалсан 6 жилийн дундаж цалингаар тогтоож байгаа юм. Өндөр насны тэтгэврийн эрх 2020 онд 20 жил 9 сар ба түүнээс дээш хугацаанд шимтгэл төлж ажилласан бол үүснэ. Ингэхдээ эрэгтэй 60 нас, эмэгтэй 55 нас хүрсэн даатгуулагч байхаар тогтоожээ.
Т.Хуншагай