-Уул уурхайн салбараас улсын төсөвт хуримтлуулсан татвар хураамж 2019 оны 1-р сарын -1-нээс 12-р сарын 1-ний байдлаар 2.4 их наяд төгрөг хүрсэн. Өнгөрсөн онтой харьцуулбал 518.6 тэрбум төгрөгөөр өсөж, 26.7 хувиар нэмэгдсэн. "Эрдэнэс Таван толгой " ХК нь иргэдэд 1072 хувьцааны ашиг ногдолыг олгох эсэх асуудлыг хэлэлцэж байгаа ч хараахан эцэслээгүй. Төмөр зам, эрчим хүчний станц барих, тэндээсээ тодорхой хэмжээний ашиг олоод иргэддээ хувь хүртээх үү, эсвэл хувьцааны үнэ цэнийг өсгөж, компанийн үнэлгээг тогтоож, нэгж хувьцааны үнийг олон улсын стандартын хэмжээнд тогтоох ёстой юу гэдгийг ч жингийн туухайн дээр дэнсэлж байна. Нөгөө талаас ашиг орлогоо тарааж түгээх тухай асуудлыг шахаж, улс төр хийж байгаа улсуудыг ч ойлгож байна. Энэ сэдэв иргэдэд таалагдах, улмаар хувь улс төрч дахин сонгогдоход дөхөмтэй байж болох. Гэхдээ улс төрчдийн шахалт, нөлөөнд аль болох автахгүй. 1072 хувьцааны ногдол ашгийг хуваарилах асуудлыг компанийн засаглал, хуулиараа шийдэх болно. Шүүмжилж болно. Ногдол ашгийг хийсэн ажилтайгаа уялдуулж олгох зарчмыг мөрдөнө. Юуны өмнө, төмөр замаа барих шаардлагатай. Эдийн засаг өсч байгаа ч Монгол улс хямралаас гараагүй гэдгээ санацгаах нь зөв.
Э.Сувдаа