Төрийн тусгай хамгаалалтын газрын дарга П.Батаа Ерөнхийлөгчийн хамгаалалтын газрын дарга н.Мөнхтүвшинтэй арванхоёрдугаар сарын 21-н байгууллагынхаа шинэ жилийн үеэр нударга зөрүүлээд зодуулсан байна. П.Батаа өмнө нь буюу 2016 онд Төрийн тусгай хамгаалалтын газрын дэд даргаар ажиллаж байхдаа бааранд агсам тавьж, цагдаа нарыг зодсон гэх хэрэгт холбогдон шалгагдаж байсан гэх мэдээлэл байдаг. Түүнчлэн энэ оны тавдугаар сард УИХ-ын дэд дарга асан Г.Батхүү Төрийн ордонд амь насаа алдсан харамсалтай хэрэг гарсан. Эл хэрэг явдалтай холбогдуулж Төрийн тусгай хамгаалалтын газрын дарга П.Батаад хариуцлага тооцон ажлаас нь чөлөөлсөн гэдэг мэдээлэл цацагдаж байсан ч өнөөг хүртэл албан үүргээ гүйцэтгэж буй аж.
О.Гоо-Оюун
