“Mongolian Poll” мэдээлэл судалгааны төвөөс гаргасан “Улс төрийн барометр” танилцуулж байна. Уг судалгаа 2018-2019 оныг хамарчээ. Тус төв 2013 оноос эхлэн сар бүр “Улс төрийн барометр” судалгааг гүйцэтгэж ирсэн байна. Уг судалгаанаас Ерөнхий сайд У.Хүрэлсүхийн ажилд иргэдийн өгч байгаа дүн төдийгүй УИХ, хотын удирдлагад өгч байгаа үнэлгээг харж болно. Тухайлбал “Үйл ажиллагаа нь таалагддаггүй улстөрчид”-ийг хотын дарга С.Амарсайхан, УИХ-ын гишүүн Ж.Энхбаяр, Ерөнхий сайд У.Хүрэлсүх нар тэргүүлсэн байна. Энэхүү судалгаанд Улаанбаатар хотын зургаан дүүрэг, Увс, Баянхонгор, Өмнөговь, Өвөрхангай, Сэлэнгэ, Дорнод аймгийн нийт 1200 иргэн буцаалттай түүврийн аргаар хамрагдсан болно. Судалгааны анхдагч мэдээллийг Call center төхөөрөмж ашиглан цуглуулсан ба түүврийн хэмээ ±3.0 хувийн алдааны хязгаар дотор эх олонлогийн тодорхой шинж тэмдгийг 99.4 хувийн итгэх магадлалтайгаар төлөөлөх чадвартай байна.
Эх сурвалж: Засгийн газрын мэдээ
