Засгын газрын ээлжит хуралдаанаар ирэх оны 1 сарын 1 нээс төрийн албан хаагчдын цалинг нэмэгдүүлэхээр болсон. Мөн төрийн албан хаагчдад алба хаасан хугацааны нэмэгдэл олгохоор боллоо. Түүнчлэн 2018, 2019 онд төрийн үйлчилгээний албан хаагчдын цалинг тус тус 8 хүртэл хувиар нэмэгдүүлснээр 2019 оны III улирлын байдлаар сарын дундаж цалин 1,166.4 мянга, төрийн албан хаагчдын дундаж цалин 922.8 мянган төгрөг байна. Харин энэ оны тухайд төрийн албан хаагчдын цалинг инфляцийн түвшинтэй уялдуулан 21,7 хувиар нэмэгдүүлэхээр боллоо. Ингэснээр 190 мянган төрийн албан хаагчийн дундаж цалин 1,070.0 мянган төгрөгт хүрэх бөгөөд энэ нь 2014 оны нэмэгдлээс хойш 48.9 хувиар нэмэгдэж байна гэсэн үг юм.
Т.Хуншагай
