100 хүн суулгаж явсан зорчигч тээврийн онгоц өнөө өглөө Казахстаны Алма Ата хотын нисэх буудлаас хөөрөх үедээ унаж сүйрчээ. Онгоц хөөрснөөсөө хойш 2 минутын дараа буюу орон нутгийн цагаар 07:22 цагт өндрөө алдаж, улмаар бетон хашлага мөргөж, хоёр давхар байшинг шүргэсэн байна. Тус онгоцонд 95 зорчигч, нисэх багийн таван гишүүн байснаас ес нь нас барсан болох нь тодорхой болоод байна. Сүйрсэн онгоц “Bek Air” компанийнх бөгөөд Алма Атагаас нийслэл Нур-Султан руу зорчиж явжээ. Ослын шалтгаан одоогоор тодорхойгүй байна.
Ж.Сүх