"Чам руу нүүж явна" уран сайхны кино, "Цэнхэр хадаг", "Тайтгарал" ном туурвисан зохиолч, яруу найрагч С.Оюунд Монгол улсын ерѳнхийлѳгч Баттулга Тѳрийн соёрхол олголоо.
Зохиолч С.Оюун нь 1946 оны гуравдугаар сарын 15-нд Булган аймгийн Могод суманд төрсѳн, 73 настай. 1971 онд АУДС-ийг төгссөн. Эмнэлгийн болон хэвлэл мэдээллийн байгууллагад голдуу ажилласан. 1967 оноос уран зохиолээ туурвиж ,МЗЭ болон Д.Нацагдоржийн шагнал авч байсан байна. Тэрбээр "Хулжийн гол" шүлгийн ном, "Өүлэн эх" дуурийн цомнол туурвиж, " Наран наадавч харламгүй, Насны салхитай үсийг тань Ариун гангын усаар угааж Ачийг тань нэг хариулахсан… гэсэн бадаг бүхий “Хорвоод ганцхан ээждээ” дууны үгийг ч бичсэн яруу найрагч юм. Яруу найрагч тѳрийн ордонд шагналаа авсны дараа тѳрѳлх Монголын Зохиолчдын Эвлэлийн Ордондоо заларч, тугандаа мѳргѳсѳн юм.
О.Гоо-Оюун