Австралийн зүүн өмнөд нутгийн Шинэ Өмнөд Уэльс мужид дэгдэж буй ойн түймэр энэ долоо хоногийн амралтын өдрүүдэд улам газар авах төлөвтэй байгаатай холбогдуулан тус мужид долоо хоногийн онц байдал зарласан байна. Түүнчлэн энэ амралтын өдрүүдэд агаарын температур Цельсийн 40 хэм хүрэх төлөвтэй байгаа тул хуурай агаар, хүчтэй салхины улмаас түймэр улам газар авж болзошгүй хэмээн Цаг уурын газрын мэргэжилтнүүд таамаглаж байна.
Шинэ Өмнөд Уэльс даяар өнгөрсөн 11 дүгээр сараас хойш түймэр дэгдэж эхэлсэн бөгөөд шинэ он гарсаар 3 хүн амиа алдаж, 380 байшин сүйджээ. Тиймээс мужийн эрх баригчид сонор сэрэмжтэй байхыг оршин суугчид, жуулчдад хандан уриалж байна.
Ж.Сүх