Шинэ МАНАН-гийнхан надаас айж, сонгуульд оруулахгүй гэж зүтгэж байна гэж МАХН-ын дарга Н.Энхбаяр сонгуулийн хуультай холбоотой байр сууриа илэрхийлэхдээ онцоллоо.
Оны сүүлчээр УИХ-ын сонгуулийн тухай хуулийн нэмэлт ѳѳрчлѳлтийг баталсан. Тэгэхдээ авилга, албан тушаалын хэргээр шүүхээс ял шийтгүүлж байсан хүмүүсийг УИХ-ын сонгуульд нэр дэвшүүлэхгүй байх заалтыг тусгасан нь МАХН-ын дарга Энхбаярыг ингэж хэлэхэд хүргэлээ.
- Хуулийн төслийг анх өргөн барихад ийм зүйл заалт огт байгаагүй. Харин Төрийн байгуулалтын байнгын хорооны хурал дээр хуулийн тѳслийг хэлэлцэх үеэр УИХ-ын гишүүн Т.Аюурсайхан, О.Баасанхүү нар зарчмын зөрүүтэй саналыг гаргаж ирснээр санал хураалтаар дэмжигдсэн байдаг. Энэ бол хавчлага, шахалт. Тиймээс энэ асуудлаар Үндсэн хуулийн Цэц болон НҮБ-д хандана. Хуучин МАНАН намайг хэлмэгдүүлж, хүчээр ял тулгаж сонгуульд оруулаагүй. Гэтэл шинэ МАНАН ч бас л надаас, МАХН-ыг сонгох ард түмнээс айгаад намайг мөн л сонгуульд оруулахгүй гэж зүтгэж байна. Сонгох, сонгогдох эрх бол Үндсэн хуульд заасан эрх. Тийм л шударга юм бол шинэ МАНАН-гийнхан хүн алсан, хүчин хийсэн, эх орноосоо урвасан, хар тамхитай холбогдсон хүмүүсийг сонгуульд оруулахгүй гэж хууль гаргах хэрэгтэй гэж МАХН-ын дарга оны тѳгсгѳлд хэллээ.
О.Гоо-Оюун
