Түүний үзэж буйгаар сонгуулийн дүн нэг иймэрхүү гарах нь. Хоёр шалтгаан байгаа юм байна. Нэгдүгээрт, сонгуулийн хуулиа өөрчилсөн. Холимог тогтолцоог үгүй хийх бэлтгэлээ хангалаа. Тэгснээрээ улс төрд шинэ хүмүүс орох, жижиг нам байр сууриа бэхжүүлэх үүд хаалгыг хаасан байна.
Хоёрдугаарт, иргэд ядуу учраас зөв сонголт хийж чадахгүй. Ийм үндэслэлийг МАХН-ын дарга Н.Энхбаяр хэллээ. Холимог тогтолцоог үгүй хийх санаа нь захиалгат үйлдэл гэж ч харж болохоор байна, түүний хэлснийг дүгнэвэл. 2012 онд Үндсэн хууль зөрчөөгүй гэж байсан бол 2016 онд Үндсэн хууль зөрчлөө гэж дүгнэлт гаргалаа. Цэцийн гишүүдийн 80% хэвээр байгаа хэрнээ, 4 жилийн хугацаанд хоёр өөр дүгнэлт гаргасанд иргэд эгдүүцэж байна.
ЦЭЦ-ийн дээр хөх тэнгэр байна уу, эрх баригч нам байна уу? гэж асуух үлдлээ. Удахгүй УИХ-аар ЦЭЦ-ийн дүгнэлтийг хүлээн авах болно гэх таамаглалыг хөндлөнгийн шинжээч дэвшүүлж байна.
Тоймч Д.ЭНХТҮВШИН
