УИХ дахь МАН-ын бүлэг өчигдөр хуралдаж тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн төслийн хэлэлцэх эсэхийг дэмжсэн шийдвэр гаргажээ. Уг шийвдэрийн талаар ХНХ-ын сайд С.Чинзориг "Зээлээс зээлийн хооронд амьдарч байгаа иргэдээ нэг удаа төрөөс харж үзэх нь зүйтэй гэж үзэж байгаа. Цагаан сарын өмнө Салхитын ордыг барьцаалж тэтгэврийн зээлийг тэглэнэ. Таван жилийн хугацаатай, зургаан хувийн хүүтэй, хаалттай бонд босгоно. Тэтгэврийн зээлгүй 180 мянган ахмадын асуудлыг одоогоор ярихгүй. ҮАБЗ-ийн зөвлөмжийн дагуу тэтгэврийн зээлийг л нэг удаа тэглэнэ гэж байгаа" гэсэн тайлбар өглөө.
Э.Сувдаа