Ираны Гадаад хэргийн дэд сайд Аббас Арагчи "АНУ-ын Ерөнхийлөгч манай улсын соёлын өвүүд болон онцгой цэгүүдэд халдахаар заналхийлсэн нь бидэнд Монголчууд болон алан хядагч бүлэглэлүүдийн дайралтыг санагдууллаа” гэж мэдэгджээ. Мөн Ираны Мэдээлэл, Харилцаа Холбооны сайд Мохаммад Жавад Азари-Жахроми твиттер хуудсандаа “Исламын Улс, Хитлер, Чингис! Тэд бүгд соёлыг үзэн ядагчид байсан. Трамп бол хослол өмссөн террорист юм. Тэр түүх уншвал Аугаа Иран үндэстний соёлыг хэн ч устгаж чадахгүй гэдгийг удахгүй ойлгоно” хэмээн жиргэжээ.
Энэ тухай МУ-ын ГХЯ-ны Ази, Номхон далайн орнуудын газрын захирал Э.Сарантогос
Иран улсын бүс нутагт үүсээд буй нөхцөл байдалд Монгол Улс санаа зовниж байна. Энэ асуудал яриа хэлэлцээрийн замаар намжмал байдалд шилжээсэй гэж бид хүсэж байна. Үүнийг олон нийтийн сүлжээгээр ярьж хэлэлцэх, дэвэргэх зүйл биш болов уу. Бид дипломат шугамаар ажиллаж байгаа хэмээх тайлбарыг өглөө.
Т.Хуншагай