Санхүүгийн хууль тогтоомжийг зөрчсөн хэрэгт холбогдсон Японы автомашин үйлдвэрлэгч “Nissan” компанийн тэргүүн асан Карлос Гон барьцаагаар суллагдсан хугацаандаа Японы хилийг хууль бусаар давсан хэмээн үзэж байгаа бөгөөд тэрбээр өнгөрсөн даваа гарагт Ливанд очсон юм. Түүнийг зугтах төлөвлөгөөг олон сарын турш боловсруулсан. Уг төлөвлөгөөг өөр өөр улс орны 10-15 хүний бүрэлдэхүүн бүхий баг боловсруулсан ажээ. Төлөвлөгөөг боловсруулагчид Японд 20 гаруй удаа ирж, 10 орчим нисэх буудлыг үзсэн байна. “Кансай” олон улсын нисэх онгоцны буудлын хувийн нисэх онгоцны зогсоол ямар нэгэн нислэг ирээгүй үед хоосон байдаг бөгөөд уг нисэх буудлын рентген төхөөрөмжид том ачаа багтах боломжгүй байсан талаар Америкийн “Wall Street Journal” өдөр тутмын сонинд /WSJ/ мэдээлжээ.
Ж.Сүх