Ахмад настны тэтгэврийн зээлийг тэглэх тухай хуулийн төслийг УИХ-д өргөн барьсан. Уг асуудлын хүрээнд ахмадуудыг зээлтэй зээлгүйгээр нь алагчилж байна. Байгалийн баялгаас ашиг хүртээж тэтгэврийн зээлийг тэглэх гэж байгаа бол зээлгүй иргэдэд ч мөн ашиг хүртээх хэрэгтэй хэмээн Монголын ахмадын холбооноос мэдэгдэл хийсэн. Улмаар тэтгэврийн зээлгүй иргэдэд нэг сая төгрөгийн ваучер олгох саналыг хуулийн төсөлд тусгах санал гаргажээ. Ингэснээр тэтгэврийн зээлгүй 192 мянган ахмадууд Салхитын мөнгөний ордны нэг сая нэг өртөг бүхий хувьцаатай болно гэсэн үг. Гэхдээ хувьцаатай боллоо ч ахмадууд хувьцааг ашиглах, үр шимийг нь хүртэх эсэх нь эргэлзээтэй. Учир нь яригдаж буй нөөц тогтоогдсон ч, хэзээ ашиглаж эхлэх нь тодорхойгүй салхитийн мөнгөний ордыг одоогоор ашиглаагүй, хэзээ ашиглаж үр дүнгээ өгөх нь ч тодорхойгүй, зөвхөн ордын нөөцийг нь барьцаалж зээл тавьж тэтгэврийн зээлтэй иргэдийн өрийг төлөх гэж байгаа.
Т.Хуншагай
