Тэтгэврийн зээлийг тэглэх асуудлыг ШИНЭ нам хэлэлцсэн. Зээл авсан нь хожиж, аваагүй нь хохирч байна гэж бид дүгнэсэн. Монгол Улсад өндөр насны тэтгэврийн 305 мянга гаруй ахмад настан бий. Эдний 240 мянга орчим нь тэтгэврийн зээлтэй. Салхитын мөнгөний ордын 750 тэрбум төгрөгийг 200 мянга гаруйхан хүний тэтгэврийн зээлийг хаахад зориулж байгаа нь нийт иргэдийг ялгаварлан гадуурхсан үйлдэл юм. Энэ шийдвэр нэг талдаа Үндсэн хуулийн суурь зарчмыг зөрчсөн үйлдэл. Бидний зүгээс ѳѳр шийдлийг санал болгож буй. Тэр нь, Салхитын мөнгөний ордыг барьцаалж бонд гаргах. Түүнээс олох мөнгийг нэг хэсэгт нь биш, нийт тэтгэврийн насны ахмадуудад тэгш хүртээх ёстой гэж үзэж байгаа. Нийт тэтгэврийн насныхан буюу 305 мянга гаруй ахмад настанд олгоход, нэг хүнд ойролцоогоор 2.5 сая төгрөг ногдоно. Энэ мөнгийг иргэдэд шууд бэлнээр олгох ёстой. Одоогийн тэтгэврийн зээлийг тэглэнэ гэж гаргасан шийдвэр нь буруу. Зээлийг тэглэх нэртэй энэ мөнгө арилжааны банкуудад очихоос ахмадуудын гар дээр нэг ч төгрөг очихгүй.
О.Гоо-Оюун