Ойрын өдрүүдэд УДЭТ-ийг нураах нь гэх мэдээлэл тархаад байна. Энэ мэдээлэлд Боловсрол, соёл, шинжлэх ухаан, спортын сайд Ё.Баатарбилэг албан ёсоор өнөөдөр тайлбар өглөө. Тэрбээр “2020 оны улсын төсөвт суусан Улсын драмын эрдмийн театр, Дуурь бүжгийн эрдмийн театр болон Төв номын сангийн шинэчлэлтэд тус бүр 2 тэрбум төгрөг суусан. Энэ мөнгөөр барилгуудыг засах, техник, тоног төхөөрөмжийг сайжруулах, сандлуудыг шинэчлэх зэрэг ажлыг хийнэ. Эдгээр барилгыг шинэчлэн барихад олон тэрбум төгрөг шаардлагатай. Тийм мөнгө байхгүй. Тиймээс засвар хийнэ. Энэ долоо хоногт гурван байгууллага тус бүрт шинэчлэх ажлыг эхлүүлнэ. Барилгын засвараас гадна хэрэгцээт зүйлсийг асууж тодруулна. Ямар ч байсан 2021 он гэхэд эдгээр гурван барилгыг засаж, сайжруулна” хэмээлээ.
О.Гоо-Оюун
