Умард ирландчууд ижил хүйстэнтэйгээ гэрлэлтээ баталгаажуулж болохоор болжээ. Энэ шийдвэр нь 2020 оны нэгдүгээр сарын 13-наас хэрэгжиж эхэлсэн байна. Гэвч хамтран амьдрагч хэмээн бүртгүүлсэн хосууд одоохондоо "Хамтран амьдрагч" гэх бүртгэлээ "Гэрлэсэн" хэмээн өөрчлүүлэх боломж хараахан бүрдээгүй байгаа гэнэ. Умар Ирландын удирдлагууд энэ асуудалд онцгойлон анхаарч, энэ ондоо багтаан дээрх бүртгэлүүдийг өөрчлөх боломжтой болгох тал дээр ажиллаж байгаа гэнэ. Мөн эсрэг хүйстэн хосууд энэ өдрөөс эхлэн "Хамтран амьдрагч" хэмээн бүртгүүлж болохоор болж байгаа ажээ. Уг асуудалтай холбоотойгоор ижил хүйстэнтэйгээ гэрлэх тухай хуулийн төсөл боловсруулсан УИХ-ын гишүүн Конор МакГинн CNN агентлагт "Тэгш эрх, хайр, хүндэтгэлийг эрхэмлэдэг хүн бүр энэ өдрийг тэмдэглэх хэрэгтэй. Өнөөдөр бол Умард Ирландын хувьд түүхэн өдөр. Өнөөдрөөс эхлээд анги хосууд хайр сэтгэлээ тунхаглаж, албан ёсоор айл болох боломжтой боллоо" хэмээн мэдэгдэл хийжээ.
Ж.Сүх
Эх сурвалж: BBC