Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны хөтөлбөрт тусгасны дагуу Улаанбаатар хотын авто замын түгжрэлийг бууруулах, хүүхдэд ээлтэй орчинг бүрдүүлэх ажлын хүрээнд “Сургуулийн автобус”-ыг Нийслэлийн ерөнхий боловсролын сургуулийн сурагчдад зориулан өнгөрсөн оны арваннэгдүгээр сараас явуулж эхэлсэн. Сурагчдыг 33 чиглэлд өдрийн хоёр ээлжээр сургуульд нь хүргэж өгч, тарахад нь гэрийнх нь ойролцоох автобусны буудал дээр эцэг, эхэд нь хүлээлгэн өгч үйлчилж байгаа билээ. Тэгвэл өчигдрөөс сургуулийн автобусаар зорчиж буй хүүхдүүдэд байршил тогтоох бугуйвч тарааж, эцэг эхчүүдэд зориулсан “UB school bus" аппликейшныг ашиглалтад оруулжээ. Ингэснээр сурагчид автобусандаа суухдаа сурагчид бугуйвчаа уншуулах бөгөөд ингэснээр эцэг эхчүүд хүүхдээ "Ub school bus"аппликейшнаар хаана явж байгаа, автобусандаа суусан эсэх, хөдлөөд хэр удсан зэрэг холбогдох бүх талын мэдээллийг утаснаасаа авах боломжтой.
Э.Сувдаа