БНХАУ-д хүнийг үхэлд хүргэдэг коронавирусын халдвар дэгдсэнтай холбоотойгоор Их, дээд сургууль, Ерөнхий боловсролын сургууль, цэцэрлэгийг үйл ажиллагааг зогсоож бүх төрлийн спорт, урлаг, нийгмийн арга хэмжээг гуравдугаар сарын 2-ныг хүртэл цуцалсан.
Гэтэл өнөөдөр Төрийн ордонд Цагаан сарын баярт зориулсан үзэсгэлэн худалдаа болж байна. Тус үзэсгэлэнд жижиг, дунд үйлдвэрлэгчид оролцож өөрсдийн хийсэн бүтээгдэхүүнийг танилцуулж байгаа юм.
Өнөөдрийн арга хэмжээнд Хөнгөн хүнсний салбарын нийт 136 аж ахуйн нэгж оролцож байна. Сар шинийн баяраараа дотоодын үйлдвэрлэлээ дэмжсэн эх оронч худалдан авалт хийж үндэсний үйлдвэрлэлээ дэмжсэнээр худалдан авалтад дотоодын үйлдвэрүүдийн эзлэх хэмжээ 50 хувь хүртэл нэмэгдэх боломжтойг ХХААХҮЯамны ХҮХБЗГ-аас хийсэн судалгаа гарчээ.
Т.Хуншагай