Хятад улс нийтдээ 362 иргэнээ коронавирусаар алдлаа. Тус вирус нь гадна орчин, шалбааг, тогтоол ус зэрэгт 5 хоног амьдрах тэсвэртэй бѳгѳѳд, тус цэгийн ойролцоо 15 минут зогссон хүнд халдварлах чадвартайг эрдэмтэд тогтоолоо. Тиймээс Хятад улс хѳл хориог улам чангалж, сургуулийн карантиныг дахин 14 хоногоор сунгалаа. Түүнчлэн иргэдээ заавал ажлын байрандаа очилгүй, боломжтойг нь гэрээсээ ажлаа эрхлэхийг даалгасан байна. Вирусын халдвар авсан жирэмсэн эмэгтэйг эмч, судлаачид бүрэн анхааралдаа авч тѳрсний дараа бүх тѳрлийн шинжилгээг нялх хүүхдэд нь хийлээ. Үр хүүхэд нь эрүүл гарсанд эмч нар баярлаж, энэ баяртай мэдээг эхэд нь, түүнчлэн олон нийтэд түгээсэн байна. Эмч нар уйгагүй ажиллахын зэрэгцээ ѳвчтѳнийхээ сэтгэл санааг ѳргѳхѳд бүх талаар анхаарч байна. Тэд юу ч болоогүй мэт, палатанд үзлэг хийхдээ дуу аялж, инээмсэглэл тодруулж явна. -Ѳнцѳг бүрээс ѳвчтѳнийг ар араас нь зѳѳж авчирч байна. Ѳнѳѳдрѳѳс байдал сайжирч эхэллээ. Учир нь Хошэньшант эмнэлэг баригдаж, үйл ажиллагаагаа эхэлсэн. Энэ эмнэлгийг ердѳѳ 10 хоногт барьсан гэж Ухань хотын Яаралтай тусламжийн ахлах сувилагч У Сяньпин тодотголоо. Одоогоор хотын хэмжээгээр бүх үйлдвэр заводыг зогсоосон. Концерт, уралдаан тэмцээнийг бүрмѳсѳн хорьсон. Олон байгууллагын үүд хаалгыг түр хугацаагаар хаасан ч, эмнэлэгтэй зэрэгцэн эрчтэй үйл ажиллагаа явуулж буй нэг л байгууллага үлдсэн. Тэр нь банк юм байна.
Э ОТГОО