Коронавирусын голомт Хубей мужид буй 133 иргэнээ Орос улс эх орондоо авчрах ажиллагааг зэхжээ. Оросын эмч, мэргэжлийн хяналтын баг ѳнѳѳдѳр Хятад улсын Ухань хотыг зорилоо. Эхний удаад нѳхцѳл байдлыг дүгнэнэ гэж эмч, эрдэмтэд, мэргэжилтний баг томилолтоо тодорхойллоо. -Ѳѳрийн иргэнээ Хятадаас авчрахаас гадна, Орост амьдарч буй Хятадын иргэдийг нутаг буцаах ажлыг ч зохион байгуулахаар зэхэж байна. Хилийн боомтуудыг бүгдийг нь хаана. Хятадаас Орос улс руу нэвтрэх ганцхан цэгийг үлдээнэ. Энэ бол Шереметево олон улсын нисэх онгоцны буудал. Энд үзлэг хяналтыг дээд зэрэгт аваачна. Бидний зорилго коронавирусыг Оросын хилийг давуулахгүй байхад оршино. Тѳмѳр замын тээврийг ч зогсоосон гэж Оросын ерѳнхий сайдын орлогч, Коронавирустай тэмцэх хорооны дарга Татьяана Голикова мэдээллээ.
Эх сурвалж Риа Новости