АТГ-ын ажилтнууд мэргэжлийн хяналтын байцаагч Б.Баярсайханы өрөөнд нэгжлэг хийхээр ороход оймсны түрийндээ их хэмжээний доллар нуусан байсан нь шалгалтаар илэрсэн. Уг хэрэг явдалд Э.Аззаяа нарын 25 хүнд холбогдсон бөгөөд 2019 оны тавдугаар сард Чингэлтэй дүүргийн Эрүүгийн хэргийн анхан шатны шүүхээр хэлэлцсэн ч хөөн хэлэлцэх хугацаа дууссан гэдэг үндэслэлээр 25 хүний заримынх нь хэргийг хэрэгсэхгүй болгож, заримд нь торгуль оногдуулсан байдаг. Дараа нь Эрүүгийн хэргийн давж заалдах шатны шүүхэд болсон хуралдаанаар анхан шатны шүүхийн шийдвэрийг хүчингүй болгож, 19 хүний хэргийг анхан шатны шүүхэд шилжүүлж, зургаан хүнд холбогдох хэргийг прокурорын хяналтад буцаан, дахин зүйлчлүүлэхээр болсон юм. Тэгвэл өнөөдөр Улсын Дээд шүүхийн Эрүүгийн хэргийн танхимын хяналтын шатны шүүх хуралдаанаар эдгээр иргэдэд холбогдох хэргийг хэлэлцэхээр болжээ.
О.Гоо-Оюун