“Улаан бал” нэвтрүүлгийн ээлжит дугаарт Монголын хип хоп холбооны ерөнхийлөгч Ш.Батбаяр буюу Баавар оролцсон. Тэрээр нэвтрүүлэгт оролцох үеэрээ ийнхүү ярьжээ.
Ш.Батбаяр: “Монголд хар тамхины мафи бий. Тэр чинээгээрээ мөнгө, бизнес болохоор том хүрээлэл хамардаг. Баригдаагүй маш олон хэрэглэгч, хангагч бий. Ямар мафи удирддагийг нь би мэдэхгүй. Маш нарийн зохион байгуулалттайгаар монгол залуусыг уруу татаж байгаа. Нэг хэсэг нь сурталчилж байгаа, нэг хэсэг нь зарж байгаа. Нэг хэсэг нь тэднийг хамгаалж байгаа. Хар тамхины наймаанд прокурор, хуулийнхон холбоотой. Гааль, хяналтынхан гээд бүхий л газрынхан орооцолдсон байх. Эрүүгийн цагдаагийнхан энэ төрлийн гэмт хэрэгтэй сайн тэмцэж байгаа. Гэхдээ одоо жижиг жараахай бус акулуудыг нь барих хэрэгтэй” хэмээжээ.
О.Гоо-Оюун