Нэгэн үе Монгол улсын хамгийн муу хүнээр тодроод байсан УИХ-ын гишүүн асан Н.Номтойбаяр хэсэг хугацаанд хэрэг төвөгт холбогдолтгүй амар жимэр албан үүргээ гүйцэтгэж явсан боловч саяхнаас тэрээр ээлжит сенсацаа тарьж эхэлсэн. Тухайлбал УЕП Б.Жаргалсайхан Н.Номтойбаярын УИХ-ын гишүүний бүрэн эрхийг нь түдгэлзүүлэн шалгах хүсэлт гаргаснаар УИХ өнгөрөгч долоо хоногт тус хүсэлтийг хэлэлцэн 76.3 хувийн саналаар дэмжсэн. Мөн МАН-ын Хяналтын ерөнхий хороо Н.Номтойбаярт хариуцлага тооцож, намаасаа хасаад байна. Харин тэрээр энэ талаараа “Өдрийн сонин”-ы /2020.02.05/-ийн дугаарт ярилцлага өгсөн бөгөөд энэ үеэрээ АПУ ХК-ийн нэр хүндэд халдсан зарим баримтуудыг ярьсан гэж үзэн тус компаниас мэдэгдэл гаргажээ.
О.Гоо-Оюун