Монгол Улс 2020 оны нэгдүгээр сард 68.7 мянган амны хаалт импортолжээ. Харин өнгөрсөн оны мөн үед 509.0 мянган амны хаалт импортолж байсан тухай Гаалийн ерөнхий газраас мэдээллээ. Харин хоёрдугаар сар гарсаар импорт огцом өсөж, Монгол Улсад Турк, БНСУ зэрэг 7 улсаас 16 аж ахуйн нэгж, хувь хүмүүсийн импортолсон нийт 1.5 сая ширхэг амны хаалт орж ирсэн байна. Түүнчлэн хувь хүмүүсийн хэрэглэх амны хаалтыг тусгай зөвшөөрөл, лицензгүйгээр, эмнэлгийн зориулалтаар ашиглах амны хаалтыг Эм эмнэлгийн хэрэгслийн тухай хуульд заасны дагуу улсын хилээр нэвтрүүлж байна. Мөн гаалийн байгууллага тусламжаар ирж буй амны хаалт болон хувийн бусад хамгаалах хэрэгслийг улсын хилээр шуурхай нэвтрүүлэхэд анхаарч байна.
Э.Сувдаа