Шинэ коронавирусийн халдвараас урьдчилан сэргийлэх ажлын явцтай холбоотойгоор Улсын онцгой комисс өнөөдөр хуралдсан. Хуралдаанаар нүүрсний тээврийг зогсоох нь зөв гэж үзлээ. Нүүрсний уурхайнуудад өнөөдрөөс ачилтыг зогсоосон гэх мэдээлэл орон нутгаас өгч байсан. Тэгвэл Улсын онцгой комисс ийнхүү нүүрсний экспортыг гуравдугаар сарын 2-н хүртэл зогсоох нь зөв гэж шийдвэрлэлээ. Нүүрсний экспорт улсын төсөвт орлого төвлөрүүлдэг гол эх үүсвэр байдаг. Энэ 2020 онд Монгол Улс 42 сая тонн нүүрс экспортолж, 1.5 их наяд төгрөгийн орлого төсөвт төвлөрүүлэх тооцоололтой. Өнгөрсөн 2019 онд мөн л 42 сая тонн нүүрс экспортлох төлөвлөгөөтэй байсан ч зургаа орчим сая тонныг дутуу борлуулсан байна.
О.Гоо-Оюун
