Монгол Улсын Ерөнхийлөгчийн Тамгын газрын дарга З.Энхболд өнөөдөр /02.13/ ажлаа хүлээлгэн өгөх болсон талаараа мэдээлэл хийсэн. Энэ үеэр тэрээр сэтгүүлчдийн асуултанд дараах хариултыг өглөө.
УИХ-ын гишүүн З.Энхболд: Хэнтэй ч санал зөрөөгүй, Би чинь одоо амиа бодмоор байна. Сонгууль болоход гурван сар үлдсэн байна. Би чинь 2016 оны сонгуульд онгоцоор улс тойрсоор байгаад өөрөө унасан. Одоо бол өмнөх алдаагаа давталгүй аль нэг тойргыг сонгож аваад тэр тойрогтоо бэлдмээр байна. Улс төрийн албан тушаалаас огцролгүй сонгуулийн ажилдаа бэлдэж болох байсан Өвөрхангайн нэвтрүүлэг гараад надад хамаагүй асуудлыг надад наагаад байна. Тийм ч учраас Ерөнхийлөгч энд өөрийг тань байгаад байхаар элдэв янзаар хэлээд байна. Одоо сонгуульдаа л бэлддээ гэсэн. Бодуул одоо МАН-ын гишүүд л гомдсон юм байлгүй. Ямар ч эмзэг юм тэгээд ганц нэвтрүүлэгнээс болоод Ерөнхий сайддаа ховлоод.
Харин Ерөнхийлөгчийн Тамгын газрын даргын албан тушаалд Монголын Хөлбөмбөгийн холбооны ерөнхий нарийн бичгийн дарга Ө.Шижир томилогдно гэх мэдээлэл байна.
Ерөнхийлөгчийн Тамгын газрын даргын албан тушаалд зэхэж буй Ө.Шижирийн хувьд АН-ын үндэсний бодлогын хорооны гишүүн бөгөөд Ерөнхийлөгч Х.Баттулгыг Зам тээвэр, барилга хот байгуулалтын сайдаар ажиллаж байхад нь сайдын багт ажиллаж байсан, хэвлэлийн компанит ажлыг нь удирдсан гэх мэдээлэл байна. Түүнчлэн Ө.Шижир нь одоогоор Хөл бөмбөгийн холбооны нарийн бичгийн дарга, Ерөнхийлөгчийн орон тооны бус зөвлөхийн албыг хашдаг юм байна.
О.Гоо-Оюун