Японы Канагава мужийн Ёкохама хотын ойролцоо хөл хорионд орсон “Diamond Princess” хөлөг онгоцон дээрх АНУ-ын 400 гаруй иргэнийг даваа гарагийн өглөө нүүлгэн шилжүүлсэн байна. Тэдгээр иргэдийн 44 нь коронавирусээр өвчилснийг АНУ-ын Харшил, халдварт өвчин судлалын үндэсний хүрээлэнгийн дарга Энтони Фаучи мэдээлжээ. Мөн Канад, Хонконг, Израилын Засгийн газар Япон руу тусгай нислэг үйлдэж, “Diamond Princess” хөлөг онгоцон дээр байгаа иргэдээ нүүлгэн шилжүүлэхээр төлөвлөж байна.
Ж.Сүх