Тѳрийн ѳмчит "Эрдэнэс-Тавантолгой" ХК-ийн ТУЗ хуралдаж, хувьцаа эзэмшигчдэд ногдол ашиг олгох шийдвэр гаргасан. Уул уурхай, хүнд үйлдвэрийн сайд Д.Сумьяабазар, "Эрдэнэс-Тавантолгой" ХК-ийн ТУЗ-ийн дарга Б.Баярсайхан болон Гүйцэтгэх захирал Б.Ганхуяг нар энэ тухай мэдээлэл өгѳхдѳѳ:- Нэгж хувьцаанд 90 төгрөг олгоно. 1072 ширхэг хувьцаатай иргэнд 96480 төгрөг оногдоно. Иргэдийн ногдол ашгийг энэ оны тавдугаар сарын 1-ний дотор олгоно гэж мэдэгдлээ. Тэгэхлээр Монголын иргэд энэ оны сонгуулийн ѳмнѳ ногдол ашгаа хүртэж эхлэх нь. Үүнийг эрх баригч намын зүгээс сонгогчдын саналыг худалдан авахад чиглэсэн шийдвэр боллоо гэж улс тѳр судлаачид үзэж байна.
Ц.Хишгээ