“Иргэдийн шударга шүүх” ТББ, Монголын үндэсний фронт зэрэг ТББ-ууд хамтран ХЗДХ-ийн сайд Ц.Нямдоржийн талаар мэдээллээ. Мэдээллийн үеэр Ц.Нямдорж сайд өөрийнх нь эсрэг дуугарсан Т.Энхсайхан хэмээх эмэгтэйд 10 жил хорих ял оноогоод байна. Тиймээс уг шударга бус явдлыг таслан зогсоох, ХЗДХ-ийн сайд Ц.Нямдоржийг албан тушаалаасаа огцрохыг шаардаж буйгаа онцоллоо.
“Иргэдийн шударга шүүх” ТББ-ын Х.Бат-Ялалт: Бид коронавирусийн халдварын улмаас үйл ажиллагаагаа түр зогсоосон. Энэ үеийг цагдаа хүчний байгууллагууд ашиглаж,Төрийн бус байгууллагуудын үйл ажиллагааг зогсоож , цагдан шүүх ажиллагааг эрчимжүүлж байна. “Биднийг хамгаалах ёстой цагдаагийн байгууллагууд гэмт хэрэгтнүүдийн талд зогсоод байна. Монголын хууль ялзарч байна. Бавгар компаниас авлига авсан н.Цогтбаяр цагдаагийн цолыг хугацаанаасаа 10 жилийн өмнө авсан. Заамарт цагдаагийн дарга хийж байх хугацаандаа эрх баригчдын тэр дундаа Төв аймгийн цагдаагийн газрын дарга Энхжаргалын мөнгийг өсгөж өгдөг. Үүний хариуд албан тушаалаа маш хурдацтай ахиулсан. Түүний эхнэр болон ойр дотнын хүмүүс хуулийн байгууллагуудтай ямар нэг хэмжээгээр холбоотой, сүлжээ болчихсон байна. Ц.Нямдорж Монгол Улсын хуулийг хүссэнээрээ өөрчилж чадна гэж бодож байвал эндүүрэл. Бид авлигачдыг мөрдөж яваа мөрдөгч. Бид ажлаа хийж байна” хэмээлээ.
О.Гоо-Оюун