Монгол улс коронавирусээс урьдчилан сэргийлэх ажлын хүрээнд өндөржүүлсэн бэлэн байдалд шилжсэн. Улмаар зарим аж ахуйн нэгжийн үйл ажиллагаа зогсонги байдалд орж ,иргэд давагдашгүй хүчин зүйлээс шалтгаалж орлогоо алдаж, банкны зээлээ төлж чадахгүй эрсдэл үүсээд байгаа билээ. Тэгвэл энэ талаар УИХ-ын дарга Г.Занданшатар өнөөдөр МҮХАҮТ болон Монголбанкы ерөнхийлөгчийн хамт үйлдвэрлэл эрхлэгчидтэй уулзах үеэрээ мэдээллээ.
УИХ-ын дарга Г.Занданшатар: "Зээлийн хүүг хөнгөлж, чөлөөлөх боломж байхгүй. Бид зах зээлийн нийгэмд амьдарч байна. Үнэгүй зүйл гэж байхгүй. Давагдашгүй хүчин зүйлийн улмаас тодорхой аж ахуйн нэгжийг чанаргүй зээлд тооцох хугацааг зохицуулах тал дээр Монголбанк судлах байх" хэмээлээ.
Э.Сувдаа