Улсын онцгой комисс өнөөдөр хуралдаж Цагаан сарын баярын өдрүүдээр иргэд болон автомашины хөдөлгөөнийг хязгаарлах шийдвэр гаргалаа.
Улсын онцгой комиссын дарга Ө.Энхтүвшин: “13 аймгийн онцгой комиссын даргаас ирсэн саналыг үндэслэн улс, хот хоорондын зорчигч тээврийн хөдөлгөөнийг хоёрдугаар сарын 23-ны 08:00 цагаас 27-ны 08:00 цаг хүртэл түр зогсоох шийдвэр гаргалаа. Гэхдээ нислэгийг хязгаарлахгүй. Харьцангуй цөөн нислэг буюу уул уурхайн компаниудын захиалгат нислэгүүд байгаа. Бусад автобус, вагон, автомашинаар зорчих хөдөлгөөнд хязгаарлалт хамаарна” хэмээлээ.