Саяхан коронавирусыг үл тоомсорлож, маск зүүхээ татгалзаж байсан Ѳмнѳд Солонгос улсад коронавирус маш богино хугацаанд гэрлийн хурдаар ѳслѳѳ. Лхагва гарагийн байдлаар коронавирус туссан хүний тоо 1261-д хүрч, 12 иргэн нас барсныг Солонгосын Эрүүл Мэндийг Хянах хорооноос мэдээллээ. Зѳвхѳн ѳнгѳрѳгч долоо хоногт 946 иргэн коронавирусын халдвар авсан нь тогтоогдсон учир Солонгосын Үндэсний Ассемблэйгээс гурван тогтоол баталлаа. Энэхүү ѳвчний шинж тэмдэг нь илэрсэн хэн ч бай шинжилгээнд заавал хамрагдах үүрэгтэй болохыг тогтоолд тусгасан байна. Татгалзсан тохиолдолд тухайн иргэнийг 3 сая вонн буюу 2470 ( хоёр мянга дѳрвѳн зуун) ам.долларын торгууль оногдуулах юм байна. Шинж тэмдэг нь илэрсэн тухайн иргэн ѳѳрийгээ нийтээс тусгаарлахаас татгалзсан тохиолдолд нэг жил шоронд хорих, дээр нь 10 сая вонн буюу 8220( найман мянга хоёр зуун хорин ) ам. долларын торгууль оногдуулах юм байна. Мѳн амны хаалтыг бүх нийтээр зүүж хэвших. Хүрэлцээгүй байгаа тохиолдолд Солонгост үйлдвэрлэсэн амны хаалт болон бусад тѳрлийн ариун цэврийн бүтээгдэхүүнийг гадаад орон луу экспортлохыг хорьж, албан ёсоор хуулчиллаа. Солонгост нэг эмэгтэй дураараа авирласнаас коронавирус хяналтгүй түгэж дэлгэрсэн. Мѳн сүмийнхэн олноороо цуглаж, - бид үхсэн ч хамаагүй. Сүмдээ дураараа цуглардгаараа цуглах л болно гэж дураараа авирлацгаасан. Энэ үйлдлийг Солонгосын тѳрѳѳс таслан зогсоох, коронавирусыг хяналтанд авахын тулд дээрх тогтоолыг гаргахаас ѳѳр аргагүй болсон байна.
Моон Жае Ин- Солонгосын ерѳнхийлѳгч коронавирустай тэмцэхийн тулд нэн шаардлагатай тогтоол баталлаа гэж хэллээ.
Ц.ЭНХБАТ
