Гадаад харилцаа, соёл, шүүхийн салбарт шинэчлэл хийсэн зангарагтай ерөнхийлөгч гэж үнэлдэг байлаа, Элбэгдоржийг. Түүний ярилцлагыг сонирхон үзлээ. Гэтэл ярилцлагынхаа төгсгөлд - Х.Баттулгын шүүхэд очихгүй гэж хэлэхийг сонсоод чихэндээ итгэсэнгүй. Дургүй хүрэх, гомдох хосоллоо. -Эр зоригтой, жинхэнэ монгол эр хүн юм бол, холоос том дуугаралгүй, Монголдоо хүрч ирээд , хуулийн байгууллагаар үнэн зөвөө тогтоолгочих. Шүүх дуудвал гутлаа ѳѳрѳѳ үдээд, зангиагаа зүүгээд очно гэж хэлж байснаа үлгэрлээч гэж хэлье. Хилийн чинадад, тансаг зэрэглэлийн зочид буудалд бүгчихээд Монголын ардчиллыг хамгаална гэж ярихыг сонсоод ѳмнѳѳс нь ичих шиг боллоо. Хэлж, ярьж, сургаж байснаараа зангиагаа зүүгээд шүүх дээр очих биш, Монголоосоо зугтжээ тэр. Монгол төрийн тэргүүнээр ажиллаж байсан хүн ийм өчүүхэн жижигхэн хүн байсныг одоо л гадарлалаа. Гутарч байна. Нѳгѳѳ мундаг, шударга, зоригтой удирдагч маань ерѳнхийлѳгч Х.Баттулгыг унахаас нааш Монголд ирэхгүй гэнэ шүү. Онигоо. Муу муухай бүхний жишээнд, Энхбаярыг л иш татаад байсныг санаж байна. Гэтэл түүний муулаад байсан Н.ЭНХБАЯР нь хаа очиж эр хүн, нуруутай улстөрч юм байна гэж харьцуулахад хүрлээ. Х.Баттулгыг унасан хойно Ардчиллын баатар болж жүжиглээд яахав дээ, ингэхэд. Дээр нь нэмж хэлэхэд, Монголын улстөрч эрчүүд бас нэг хогийн зантай аж. Эхнэр, хүүхдээ шаварт унагаачихаад өөрсдөө зугтдаг... ядаж гэр бүлээ, хайртай бүхнээ ч хамгаалах тэнхээгүй. Элбэгдоржтой хийсэн ярилцлагыг үзээд ЯГ НЭГ МУУХАЙ ИТГЭЛ ҮНЭМШИЛ РҮҮГЭЭ НУЛИМУУЛЧИХСАН юм шиг санагдлаа.
Цэбэ