Ийм шийдвэрийг гаргаснаа Хятадын Засгийн газрын тэргүүн Ли Кеганг мэдэгдлээ. -Жижиг, дунд үйлдвэрлэл эрхлэл маш чухал. Орон нутаг дахь ажлын байрыг тэд л хангадаг. Тиймээс энэ хүнд цаг үед Хятадын тѳр, засгийн зүгээс жижиг, дунд үйлдвэрлэгчдийг бодлогоор дэмжих шийдвэр гаргалаа гэж Хубей мужид болсон уулзалтын үеэр тэрбээр тайлбарлалаа. -Банкны зээл тѳлѳх хугацааг нь энэ оны зургадугаар сар хүртэл хойшлуулах, хүүгийн хүүгийн хүүгээс бүрэн чѳлѳѳлѳх юм. Энэ бол коронавирус нѳмѳрсѳн Хубей мужийн бүх жижиг, дунд үйлдвэрлэгчдэд хамааралтай гэж Хятад улсын ерѳнхий сайд уулзалтынхаа тѳгсгѳлд нэмж хэллээ. -Монгол улсын хувьд ч ижил тѳстэй байдал үүссэн. Ялангуяа жижиг дунд үйлдвэрлэл эрхлэгчид банкны зээлийг тѳлѳхѳд хүндрэл үүслээ. Тиймээс жижиг, дунд бизнес эрхлэгчдийн банкинд зээлээ тѳлѳх хугацааг хойшлуулах шаардлагатай гэж ШИНЭ эвсэлд нэгдсэн Батзандан, Жаргалсайхан, Отгонбаатар, Заяа, Саранцэцэг, Одсүрэн, Нарангэрэл, Цогтгэрэл нар байр сууриа илэрхийлж, Монголын Тѳр, Засгийн газрыг дээрхи асуудалд анхаарал хандуулахыг хүслээ..
Т.Хуншагай