Коронавирусийн халдвараас урьдчилан сэргийлэх хүрээнд хөл хорио тогтоож гуравдугаар сарын 30 ныг хүртэл сургууль цэцэрлэгийн үйл ажиллагааг түр зогсоосон. Тэгвэл Ерөнхий боловсролын сургуулийн сурагчдаас анги дэвших болон улсын шалгалт авахгүй байхаар БСШУСЯ-наас шийдвэрлэсэн байна. Энэ талаар салбарын сайд Ё.Баатарбилэг " Улсын шалгалт авахгүй учир шалгалтын долоо хоногийг хичээлийн долоо хоногт шилжүүлсэн. Учир нь улсын шалгалтыг заавал үзэх гурваас дөрвөн хичээлээр авдаг. Тэгэхээр сурагчид зөвхөн шалгалтын хичээлүүд дээр анхаарч, бусад хичээлээ орхигдуулах эрсдэлтэй байна. Иймд сурагчдын жилийн эцсийн үнэлгээг явцын дүн болон дөрөвдүгээр улирлын хичээлийн үнэлгээгээр тооцох нь зөв гэсэн байр суурьтай байна" гэлээ.
О.Гоо-Оюун
