3 сарын 4 өдөр Япон улсын АЙЧИН аймгийн иргэн Коронавирусаар халдвар авсан нь батлагдсаны дараа буюу 3 сарын 5 өдөр санаатайгаар тус аймгийн хоёр ч ресторанаар үйлчлүүлсэн байна. Тус иргэний биеийн байдал сайн, шинж тэмдэг хөнгөн байсан тул эмнэлэгт хэвтүүлэх шаардлагагүй гэж үзэн гэртээ өөрийгөө тусгаарлахыг эмч нар санал болгосон байна. Тэрээр ресторанаар үйлчлүүлж байхдаа эргэн тойрны хүмүүст хандан "Би та нарт Коронавирус халдаана" гэж заналхийлж байсан тул рестораны эзэн цагдаа дуудан түүнийг баривчилжээ. Түүний энэ үйлдлээс болж ресторанд байсан бүх хүнийг тусгаарлан, шинжлэхэд хүрчээ. Айчи аймагт одоогийн байдлаар 58 хүн халдвар авсан нь тогтоогдоод байгаа бол энэ удаагийн хариуцлагагүй иргэний үйлдлээс болоод тоо нэмэгдэж магадгүй байна.
Э.Сувдаа
