Монгол улсад коронавирусийн анхны тохиолдол илэрсэнтэй холбогдуулан өнөө өглөөний 07:00 цагаас гуравдугаар сарын 16-ны өдрийн 07:00 цаг хүртэл хот хоорондын зорчих хөдөлгөөнийг хязгаарласан. Тиймээс тээврийн товчоо дээр хяналтын постууд ажиллаж хот руу орох гарах хөдөлгөөнд хяналт тавьж байна. Иймд шалган нэвтрүүлэх тээврийн товчоодын ачаалал эрс ихсэж тодорхой хэмжээгээр орон нутгаас ирсэн иргэд эхнээсээ буцаж байгаа бол зайлшгүй хүндэтгэн үзэх шалтгаантай иргэд тухайн сум, аймаг, дүүрэг, нийслэл тус бүрийн онцгой байдлын газрын даргын шийдвэрээр буюу зөвшөөрлийн бичгээр нэвтэрч байна.
Түүнчлэн энэ хугацаанд иргэд орж гарах боломжгүй ч ачаа тээвэр хэвийн үргэлжлэх талаар тээврийн цагдаагийн албанаас мэдээлсэн. Тэгвэл уг мэдээлэлд зарим иргэд ихээхэн бухимдаж орон нутгийн хөдөлгөөнийг хязгаарлахын хажуугаар олон улсын хилээ хаах хэрэгтэй хэмээн цахим орчинд өөрсдийн байр суурийг илэрхийлсээр байна.
Т.Хуншагай