Улсын хэмжээнд хот хоорондын зорчих хөдөлгөөнийг хязгаарлаад байна. Энэ хугацаанд иргэд хот хооронд орж гарах боломжгүй ч ачаа тээвэр хэвийн үргэлжилнэ хэмээн тээврийн цагдаагийн албанаас мэдээлсэн.
Тэгвэл үүсээд буй онцгой нөхцөл байдалтай холбогдуулан нүүрс тээвэрлэлтэд явж буй арван мянга гаруй жолоочдийн амь нас аюулгүй байдлыг хэн хариуцах вэ ? нүүрс экспортыг зогсоох уу ? хэмээх асуулт иргэдийн дунд бухимдал үүсгээд байгаа билээ.
Тиймээс энэ талаар зам тээврийн хөгжлийн сайд Б.Энх-Амгалан мэдээллээ. Тэрээр нүүрс экспорт бол манай улсын төсвийг бүрдүүлж буй томоохон эх үүсвэр, арван мянга гаруй жолоочдийн 50 гаруй хувийг нь ариутгал халдваргүйжүүлэлт, аюулгүй байдлын зөвлөмжийн дагуу тээвэрлэлтэд явуулна хэмээлээ.
Т.Хуншагай