Монгол улсад коронавирусийн анхны тохиолдол бүртгэгдсэнтэй холбоотой иргэд хүнсээ нөөцөлж зах худалдааны төвүүдийн ачаалал эрс ихэссэн. Харин энэ үеэр Е-Mart худалдааны төв хий үнийн хөөрөгдөл үүсгэж бараа бүтээгдэхүүний үнийг үндэслэлгүйгээр нэмж нэг кг мах 1500 төгрөгөөр нэмэгдсэн гэх маргаан иргэдийн дунд бухимдал үүсгээд байна. Иймд ШӨХТГ өнөөдөр буюу 2020/03/12-ын өдөр хяналт шалгалтаар ажиллаж махны үнийг буулгах чиглэл өгч хуулийн хариуцлага тооцохоор болсон байна.
ШӨХТГ-ын дарга Б.Лхагва: “Бидний тавьсан хяналт шалгалтын дагуу үнээ буулгалаа. Зарагдаж байгаа махандаа шинжилгээний бичгээ тавиагүй, үнээ бичээгүй зөрчил илэрсэн. Өнөөдрөөс үнээ буулгаж хэвийн болгосон. Хомсдол үүсээгүй байхад зохиомол үнээ нэмэх ёсгүй. Зөрчлийн хуулиаар 5-20 сая төгрөгөөр торгох хуулийн заалттай. Шалгаж дуусаад ямар шийтгэл ногдуулах нь тодорхой болно гэв.
Т.Хуншагай
