Ногоон эрчим хүчний инноваци, шинэ технологийг түшиглэсэн "Battery storage" буюу эрчим хүчийг нѳѳцѳлж хадгалах цахилгаан станцын шийдлийг Монголын эрдэмдэн залуус олж боловсруулсан байна. Энэхүү шийдлийг Нийслэлийн засаг дарга бөгөөд Улаанбаатар хотын захирагч С.Амарсайханд эдгээр залуус танилцуулсан байна. Монгол эрдэмтэн залуусын баг эрчим хүч нѳѳцѳлж хадгалах энэхүү шийдлээрээ дэлхий дээр ѳнѳѳдѳр хэрэглэж байгаа батарейнаас 4-6 дахин илүү чадалтай Supercapacitor бүхий батарейны технологийг бүтээсэн нь дэлхийд хүлээн зѳвшѳѳрѳгдѳж эхэлсэн. Уг бүтээл нь, дэлхийн оюуны өмчийн алтан медаль, Шилдэг зохион бүтээгч алтан медаль, 2018 онд дэлхийн цахилгаан машины олон улсын үзэсгэлэнгээс гранпри шагнал авч, Matsubushi Mazda, Panasonic-ийн Батарей үйлдвэрлэлийн компанийн 25 хувийг эзэмшин ажиллаж байгаа гэдгийг нийслэлийн орлогч дарга Мѳнхжаргал уг уулзалтын үеэр онцоллоо. Монгол улс өнөөдөр цахилгаан эрчим хүч хэрэглэгч орон. Хэрэглээнийхээ оргил цагуудад ОХУ, БНХАУ -аас эрчим хүч худалдан авч, шөнийн болон оргил бус цагууддаа 10 дахин хямд өртгөөр экспортолдог. Хэрэглэгч улсын хувьд цахилгааны үнэ жил бүр ѳсдѳг нь ард иргэд, үйлдвэрлэгчдэд багагүй дарамт үүсгэдэг. Нийслэлийн Агаар орчны бохирдлын асуудал хариуцсан засаг даргын орлогч Д.Мөнхжаргал :- Бид эрдэмтдийн багтай хамтран айл өрхийн эрчим хүчний хэмнэлттэй шийдэл, нам даралтын зуухны технологийн шинэчлэл, 30 МВТ-ын Цахилгаан эрчим хүч хадгалах станц барьж байгуулах шийдлүүдийг хотын даргад танилцуулж, бүх талаар дэмжиж, хамтран ажиллахаар боллоо. Монгол залуусын бүтээсэн " Battery storage-" ийг амжилттай хѳгжүүлбэл, 25ТВТ нөөцтэй Монголын говиос дэлхийн нийт эрчим хүчний 7 хувийг хангаж, 450 тэрбум $ зах зээлийг бий болгох боломжтой. Бид хэрэглэгч орноос экспортлогч орон болж чадах юм гэсэн гэгээтэй мэдээг Control.mn үзэгчдэдээ дуулгахдаа таатай байна.
Хотын удирдлагууд Монголын залуу эрдэмтдийн багтай хамтран ажиллах ажил хэргийн уулзалт бүтэлтэй ѳндѳрлѳлѳѳ.
Т.Хуншагай