Хот хоорондын тээврийн хэрэгслийн хөдөлгөөнийг даваа гарагийн өглөөний 07:00 цагаас нээсэн. Улаанбаатар хотын чиглэлд зорчих тээврийн хэрэгсэл болон Шалган нэвтрүүлэх товчоо, хяналтын цэгүүдээр нэвтрэх зорчигчдоос эрүүл мэндийн байдал болон эрсдэлийг тодорхойлох зорилгоор “#ЗОРЧИГЧИЙН_АСУУМЖИЙН_ХУУДАС”-аар судалгаа авах үйл ажиллагааг зохион байгуулж байна. Тиймээс шалган нэвтрүүлэх хэсгүүдэд тээврийн хөдөлгөөний ачаалал нэмэгдэж, зорчигчид хүлээх асуудал үүсэж буйд иргэд хүлээцтэй хандахыг уриалж байна. Бид аль болох түргэн шуурхай үйлчлэх боловч, дэгтэй, хүлээцтэй, хариуцлагатай байхыг уриалж байна гэж Замын Цагдаагийн Олон Нийттэй харьцах албаны ажилтан Чимэдбат найрсагаар зѳвлѳлѳѳ.
Э.Сувдаа